Riyoyo Jogo Kampung


Wah gak keroso wis riyoyo maneh. Prosoku lagek kapanane aku nulis status riyoyo nang fesbuk. Oh yo rek aq ngucapno “Taqoballahu minna wa minkum”, artine opo? Intine aku njaluk sepuro lah nang kabeh sing moco blogku bekne sering ono salah-salah ketik, salah milih kata-kata lan liyo-liyone (asline aku gak eruh artine).

Biasane penduduk kota sing gak duwe jujugan gawe mudik sueneng lek wayahe riyoyo ngene iki. Lho opo’o? Soale kotane dadi suepi, gak onok macet, gak ono sing sepeda motoran koyok wong kebelet ngising (ngebut campur ngempot), gak ono sing numpak montor koyok arek cilik numpak montor-montoran, gak ono sing ngawur lah. Intine gak nggarai sirah ngelu lan emosi.

Lha terus sing gak mudik lapo ae? Yo jogo kampung lah koyok keluargaku (otomatis termasuk aku). Nang kampungku 40% wong pendatang, profesine pedagang bakso ambek pegawai nang PGS (Pusat Grosir Surabaya). Penduduk asline generasi pertama wes podo almarhum (Alhamdulillah aku ambek keluargaku durung). Dadine lek wayahe riyoyo kampungku uayem, sepi, tentrem, maknyus. Generasi kedua penduduk asli kampung kene akeh sing entuk wong luar suroboyo, dadi riyoyo hari kedua biasane mudik nang kota/deso liyo. Koyok aku ngene iki itungane wes keturunan generasi ketiga. Lha generasi ketigane entuk wong endi ae? Akeh sing entuk tonggo kampung ambek wong adoh njobo Suroboyo. Lek aku entuk sopo? Wallahua’lam, rahasia ilahi.

Ibu ambek bapakku termasuk 5 besar generasi kedua sing paling tuwo nang kampungku. Dadine mari sholat ied, penduduk sing luwih enom unjung-unjung nang omahku. Enak, aku mek lungguh ae, wong-wong teko dewe nang omahku mergo goleki ibu ambek bapakku. Wkwkwk. Mari ngono, wong-wong iki akeh sing mudik. Dadine kampungku mulai sepi mamring.

Lek saben dino koyok riyoyo ngene lak enak yo… Tapi gak mungkin, mergo pembangunan gak roto sampe nang deso-deso dadine wong sing asale deso gak isok entuk kerjo enak nang desoe. Kerjo enak iku mek onok nang kota. Tepate, lapangan kerjo iku akeh nang kota, mbuh enak mbuh gak enak. Mek beberapa wong ae sing kerjo nang deso, biasane pegawai negeri sipil, dokter pemerintah, karyawan perusahaan pertambangan, karyawan perusahaan swasta lan liyo-liyone. Halah kok malih ngomongno lapangan kerjo, mending ngomongno lapangan bulu tangkis ae.

Wes sakmene ae rek, aku tak nerusno jogo kampung ambek tak sambi turu. Lha lek ono maling yo opo? Tenang ae, kene iki pusate preman, sopo sing wani nyolong nang kampungku? Kepingin langsung mulih nang Allah SWT ta….?

Happy ied mubarak. Mugo-mugo amal ibadahe awake dewe dadi sebab mudune barokahe Allah SWT sing isok nyelametno awake dewe teko panase neroko, aamiin ya Rabbal’alamin.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s