Omahku Suroboyo (2) : Tonggo-tonggoku


Sing diarani aneh nang kampungku yo sakjane keluargaku dewe. Lho kok isok? Yo aneh lah, sekitare gak onok sing nggawe kudung, nggonku sak keluarga kudungan. Wes ngunu kudunge gede-gede pisan, klambine yo gede, kaos kaki-an, seje dewe lah sak kampung. Secara yo, Suroboyo kan sumuk, enak nggawe klambi kutungan ae. Trus, sak kampung iku partai abang kabeh, keluargaku tok sing partai islam milihe lek pemilu. Tapi akhir-akhir iki wes ono sak keluarga maneh sing kudungan ambek milih partai islam podo karo keluargaku. Tapi yo gak sepiro kenal.

Tonggo sing tak kenal yo mek wong-wong lawas, penghuni kampung ket aku cilik, liyane gak kenal soale pendatang kabeh. Tonggoku sing normal mek sithik tok, sing liyane kudune dideleh nang musium mergo aneh e gak ketulungan. Sing paling tak eling iku tonggo sebelah kiwo omahku, wong wedhok luemu nemen (naudzubillah), lek ngarani kantor pos iku sutabos (gak nyambung blas). Untung anak-anake gak sepiro aneh. Dulure wong iku yo urip nang omah kono pisan cuman disingget tembok. Lek masak seneng nang pinggir ndalan, dadi lek aku budhal kerjo mesti mepet-mepet wedi nabrak bokong e wong iku sing lagi masak nang pinggir ndalan. Ngarep omahku urip wong wedhok 4 seduluran sak keturunane. Dadi ono omah 4 sing ngenggoni sakdulur. Sing kudu ngguyu, salah siji anake wong-wong iku ono sing seneng njupuk barang e wong liyo termasuk kathok bekas e bulike, wkwkwk (padalan areke lho lanang, hedeh). Masio mari konangan sing nduwe ngunu yo gak dibalekno. Ibuku sampek mangkel gara-gara arek iku mari njupuk sandal e ponakanku tapi yo gak ngaku.

Tambah ngetan wong e tambah aneh, kampung e tambah kumuh soale akeh wong sing kerjoe dodolan. Nang etan ono sing dodolan tahu, sate, bakso, bebek, pentol cimol, ambek mracang. Rame yo kampungku? Mreneo lek pas pemilu, malah luwih rame maneh, rame wong stres. Jarene konco-koncoku, aku iki kadang ngamukan, tapi nang kene wakeh sing 200 persen luwih ngamukan timbang aku, termasuk ibu-ibuke, akeh sing korak. Dadi wes gak heran lek nang kene akeh ibu-ibu ngandhani anake ambek ngomong ” matamu”. Mantab yo kampungku? Lek kepingin nduwe omah ojo nang kene lek gak kuat mental, daripada ngko ngenes, wkwkwk.

Wes sakmene sek crito tentang tonggoku. Lek kepingin eruh nyatane, langsung ae nang TKP, hehe.


4 thoughts on “Omahku Suroboyo (2) : Tonggo-tonggoku

  1. Alhamdulillah jek ono keluarga sing dikei hidayah karo Allah masio lingkungane gak genah. Alhamdulillah iku keluargane koncoku dw😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s