Omahku Suroboyo (1) : Warga Kampungku


Sing arek Suroboyo kudune ngerti sing tak omongno.

Rek, aku kape crito kampungku. Omahku kan nang margorukun, jarene wong-wong seh kampunge kumuh, akeh wong blok M. Padahal jareku yo gak kumuh nemen, tapi lek wong blok M ancene tambah suwi tambah akeh ae sing boyongan mrene. Aku duwe konco wong blok M, wong e apik-apik kok (sing apik). Lha nang cluster kampungku, sekitaran margorukun, gundih ambek margodadi wong blok M sugih-sugih lho rek, ojo salah. Konco-koncoku SD sing blok M akeh sing omahe koyok sinetron, masio njero kampung, lek gak percoyo mreneo tak duduhno (njaluk duduh soto opo semur? Wkwkwk). Tapi sebagian wong blok M, lek nggembel yo nemen nang kene iki, omahe nang cedek pasar krempyeng trus gang e gak ono srengeng blas. Aku lek liwat kono mesti nutupi irungku soale pengap rek, rasane gak isok ambegan. Kadang-kadang ae aku liwat kunu lek kepingin dalan pintas mlaku nang pusat grosir (PGS). Tapi ojo salah lho ngarani wong blok M sing nggembel nang Suroboyo iku melarat, nang ndesone akeh sing sugih pisan, hahaha sangar-sangar pokoke.

Selain wong blok M, warga kampung sing liyane yo wong asli Suroboyo ambek pendatang (selain wong asli Suroboyo ambek blok M). Wong asli Suroboyo iki contohe wong tuwoku ambek keturunane (termasuk aku ambek beberapa ponakanku). Lek wong pendatang iki contohe wong-wong dodol bakso ambek pegawai toko nang PGS sing ngontrak utowo nge-kos nang kene. Sakjane bisnis kos-kosan nang kampungku iki laris lho, prospek, tapi lek omahku di kos-no utowo dikontrak-no, trus aku turu nang ndi? Haha.

Kampung sebelah-sebelahku wargane rukun-rukun, isok diatur, kampunge dadi teratur. Lha kampungku, jarene ibuku seh kampungku iki kampung mati, wargane moto duiten kabeh, seneng ngaku melarat, sakarepe dewe. Nang kampungku iki luwih akeh pendatang ambek blok M dibandingno wong asli. Wong-wong e roto-roto pendidikane gak duwur. Nang gangku sing kuliah sek ono limo, aku, mbakku, ambek tonggoku 3. Gak opo-opo sakjane pendidikan rendah tapi wonge apik, lha iki wonge bonek kabeh. Isok mbayangno dewe lah yo opo anehe kampungku.

Oyo, tau krungu lek kampungku iki akeh preman? Yo bener ancene. Sek onok kok wong dodol miras gak ono merek-e. Biyen nang gang sebelah e omahku sik akeh wong ngombe-ngombe pas aku mulih kerjo jam 9-an bengi, tapi kethoke saiki wes gak ono, Alhamdulillah. Lek koen mrene bengi-bengi lak mesti kaget, soale akeh sepeda ambek sepeda motor keleleran nang njobo omah, iku biasa soale gak ono sing wani nyolong. Sopo wani golek perkoro nang kampung sangar ngene? Xixixi. Kampungku saiki wes gak ono ronda giliran utowo hansip sing keliling, soale wong-wong kampung dewe akeh sing sek melek sampek isuk, cangkrukan. Enak kan?

Kepingin dadi warga kampung kene? Wocoen sek critoku tentang tonggo-tonggoku… ( Nyambung nang tulisan sithuke ).


2 thoughts on “Omahku Suroboyo (1) : Warga Kampungku

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s